«Barselona» yarim himoyachisi Dani Olmo «Atletiko» ustidan qozonilgan irodali g‘alabadan so‘ng o‘z fikrlari bilan o‘rtoqlashdi. Ispaniya La Ligasining 30-turidan o‘rin olgan uchrashuv 2:1 hisobida yakunlandi.
«Bu bizning hisobda orqada borib, vaziyatni o‘nglagan birinchi o‘yinimiz emas. Raqib mudofaaga jazirama bo‘lib oldi, ammo yakunda biz gol urishga muvaffaq bo‘ldik. Hozirda eng yaqin ta’qibchimizdan 7 ochko oldindamiz. Chempionatdagi g‘alaba o‘z qo‘limizda, biroq bu hali hammasi tugadi degani emas», — deya Olmoning so‘zlarini keltiradi Barça Universal.
«Barselona» 76 ochko bilan Ispaniya chempionati turnir jadvalida peshqadamlik qilmoqda. Ikkinchi o‘rinda borayotgan «Real» hisobida 69 ochko mavjud.
Keyingi turda Xans-Diter Flik shogirdlari o‘z maydonida «Espanyol»ni qabul qiladi. O‘yin 11 aprel kuni bo‘lib o‘tadi.
