«Барселона» ярим ҳимоячиси Дани Ольмо «Атлетико» устидан қозонилган иродали ғалабадан сўнг ўз фикрлари билан ўртоқлашди. Испания Ла Лигасининг 30-туридан ўрин олган учрашув 2:1 ҳисобида якунланди.
«Бу бизнинг ҳисобда орқада бориб, вазиятни ўнглаган биринчи ўйинимиз эмас. Рақиб мудофаага жазирама бўлиб олди, аммо якунда биз гол уришга муваффақ бўлдик. Ҳозирда энг яқин таъқибчимиздан 7 очко олдиндамиз. Чемпионатдаги ғалаба ўз қўлимизда, бироқ бу ҳали ҳаммаси тугади дегани эмас», — дея Ольмонинг сўзларини келтиради Barça Universal.
«Барселона» 76 очко билан Испания чемпионати турнир жадвалида пешқадамлик қилмоқда. Иккинчи ўринда бораётган «Реал» ҳисобида 69 очко мавжуд.
Кейинги турда Ханс-Дитер Флик шогирдлари ўз майдонида «Эспаньол»ни қабул қилади. Ўйин 11 апрель куни бўлиб ўтади.
