«Барселона» вингери Рафинья Диас Ла Лиганинг «Эльче»га қарши учрашувида (5:0) ҳужумчи позициясида ҳам ўзини яхши томондан кўрсатди.

29 ёшли бразилиялик футболчи ушбу баҳсда иккита гол урди ва битта голли узатмани амалга оширди. У учрашувнинг энг яхши футболчиси деб топилди.

Ўйиндан кейин Рафиньядан ҳужумчи сифатидаги ҳаракатлари ва «Барселона»га янги форвард керак ёки керак эмаслиги ҳақида сўрашди.

«Бу масалани Деку, Лапорта ва Флик ихтиёрига қолдирган бўлардим. Мен ҳужумчи сифатида ҳам ўйнай оламан. Майдоннинг исталган нуқтасида ҳаракат қилиш мен учун қулай. Турли позицияларга мослаша оламан», — деди Рафинья.

«Эльче»га қарши учрашувда Фермин Лопес ҳам дубль қайд этди. «Барселона»нинг янги футболчиси Карим Адейеми эса битта голга муаллифлик қилди.