Londonning «Arsenal» klubi «Nyukasl»ning bir yo‘la bir nechta futbolchisiga qiziqish bildirmoqda. Bu haqda BBC jurnalistlari ma’lum qildi.
Manbaning xabariga ko‘ra, «to‘pchilar»ning qiziqishlari doirasida quyidagi futbolchilar bor: Sandro Tonali, Valentino Livramento va Entoni Gordon. Agar «qarg‘alar» manfaatli taklif olishsa, o‘z yetakchilaridan biri bilan xayrlashishga rozi bo‘lishlari istisno etilmayapti.
«Arsenal» ushbu mavsumda APL chempionlik unvoni uchun kurash olib bormoqda. Bugungi holatga ko‘ra, Mikel Arteta shogirdlari ikkinchi o‘rinda borayotgan «Manchester Siti»ni to‘qqiz ochkoga ortda qoldirmoqda.
