Madridning «Real» klubi sobiq futbolchisi, shuningdek, jamoada murabbiy va sport direktori lavozimlarida faoliyat yuritgan Xorxe Valdano Chempionlar ligasida «Bavariya»ga qarshi kutilayotgan bahs haqidagi fikrlari bilan o‘rtoqlashdi.
«Santyago Bernabeu»da kechgan dastlabki o‘yindagi 2:1 hisobidagi g‘alabadan so‘ng, myunxenliklar yaqqol favorit hisoblanishmoqda. Biroq Valdanoning fikricha, hozirgi vaziyatda «qaymoqranglilar»da Germaniyada «kambek» qilish uchun imkoniyatlar mavjud.
«Bavariya» bilan o‘yin? «Real» La Ligada umidsiz holatga tushib qolgan — aynan shunday vaziyatlarda jamoa Chempionlar ligasida o‘zini eng yaxshi tomonlama ko‘rsata oladi», — deya mashhur argentinalikning so‘zlarini keltirmoqda Madrid Universal.
Ayni damda Alvaro Arbeloa jamoasi turnir jadvalida peshqadam «Barselona»dan to‘qqiz ochko ortda qolmoqda.
«Bavariya» — «Real» uchrashuvi chorshanba kuni bo‘lib o‘tadi.
