Мадриднинг «Реал» клуби собиқ футболчиси, шунингдек, жамоада мураббий ва спорт директори лавозимларида фаолият юритган Хорхе Вальдано Чемпионлар лигасида «Бавария»га қарши кутилаётган баҳс ҳақидаги фикрлари билан ўртоқлашди.
«Сантьяго Бернабеу»да кечган дастлабки ўйиндаги 2:1 ҳисобидаги ғалабадан сўнг, мюнхенликлар яққол фаворит ҳисобланишмоқда. Бироқ Вальданонинг фикрича, ҳозирги вазиятда «қаймоқранглилар»да Германияда «камбэк» қилиш учун имкониятлар мавжуд.
«Бавария» билан ўйин? «Реал» Ла Лигада умидсиз ҳолатга тушиб қолган — айнан шундай вазиятларда жамоа Чемпионлар лигасида ўзини энг яхши томонлама кўрсата олади», — дея машҳур аргентиналикнинг сўзларини келтирмоқда Madrid Universal.
Айни дамда Альваро Арбелоа жамоаси турнир жадвалида пешқадам «Барселона»дан тўққиз очко ортда қолмоқда.
«Бавария» — «Реал» учрашуви чоршанба куни бўлиб ўтади.
