«Барселона» ҳужумчиси Ферран Торрес «Атлетико»га ўтишга яқин турибди. ElNacional.cat нашрининг хабар беришича, футболчи аллақачон Мадриддан ўзига уй қидиришни бошлаган. Яқин вақт ичида форвард «матрасчилар» билан шартнома имзолаши кутилмоқда.
Ферран Торрес 2022 йилда «Манчестер Сити»дан «Барселона»га 55 миллион евро эвазига ўтган эди. Унинг каталонияликлар билан амалдаги шартномаси 2027 йилнинг 30 июнига қадар мўлжалланган.
2025/26 йилги мавсумда ҳужумчи «кўк-анорранглилар» сафида барча турнирларда 49 та ўйинда майдонга тушиб, 21 та гол урди ва 3 та голли узатмани амалга оширди. Transfermarkt портали Торреснинг трансфер баҳосини 50 миллион еврога баҳоламоқда.
