«Barselona» hujumchisi Ferran Torres «Atletiko»ga o‘tishga yaqin turibdi. ElNacional.cat nashrining xabar berishicha, futbolchi allaqachon Madriddan o‘ziga uy qidirishni boshlagan. Yaqin vaqt ichida forvard «matraschilar» bilan shartnoma imzolashi kutilmoqda.
Ferran Torres 2022 yilda «Manchester Siti»dan «Barselona»ga 55 million yevro evaziga o‘tgan edi. Uning kataloniyaliklar bilan amaldagi shartnomasi 2027 yilning 30 iyuniga qadar mo‘ljallangan.
2025/26 yilgi mavsumda hujumchi «ko‘k-anorranglilar» safida barcha turnirlarda 49 ta o‘yinda maydonga tushib, 21 ta gol urdi va 3 ta golli uzatmani amalga oshirdi. Transfermarkt portali Torresning transfer bahosini 50 million yevroga baholamoqda.
