«Bavariya» klubi sobiq futbolchisi Xavi Martines jamoaning Chempionlar ligasi 1/4 finali doirasida Madridning «Real» klubiga qarshi kechadigan javob uchrashuvi borasidagi kutilmalari bilan o‘rtoqlashdi.
O‘tgan seshanba kuni «Santyago Bernabeu»da bo‘lib o‘tgan dastlabki to‘qnashuv myunxenliklarning 2:1 hisobidagi g‘alabasi bilan yakunlangan edi.
«Bavariya»da ustunlik bor, biroq ular juda muhim o‘yinchi bo‘lgan Tchuamenining yo‘qligiga qaramay, bor kuchini beradigan va oxirigacha kurashadigan raqibga duch kelishadi. "Bavariya" — favorit, ammo hali hech narsa hal bo‘lgani yo‘q. «Real» bunday o‘yinlarda hatto safarda ham g‘alaba qozonishga qodir», — deya Xavi Martinesning so‘zlarini keltirmoqda Diario Sport.
Javob uchrashuvi chorshanba kuni, 15 aprelda bo‘lib o‘tadi.
