«Бавария» клуби собиқ футболчиси Хави Мартинес жамоанинг Чемпионлар лигаси 1/4 финали доирасида Мадриднинг «Реал» клубига қарши кечадиган жавоб учрашуви борасидаги кутилмалари билан ўртоқлашди.

Ўтган сешанба куни «Сантьяго Бернабеу»да бўлиб ўтган дастлабки тўқнашув мюнхенликларнинг 2:1 ҳисобидаги ғалабаси билан якунланган эди.

«Бавария»да устунлик бор, бироқ улар жуда муҳим ўйинчи бўлган Тчуаменининг йўқлигига қарамай, бор кучини берадиган ва охиригача курашадиган рақибга дуч келишади. "Бавария" — фаворит, аммо ҳали ҳеч нарса ҳал бўлгани йўқ. «Реал» бундай ўйинларда ҳатто сафарда ҳам ғалаба қозонишга қодир», — дея Хави Мартинеснинг сўзларини келтирмоқда Diario Sport.

Жавоб учрашуви чоршанба куни, 15 апрелда бўлиб ўтади.