Madridning «Real» klubi afsonaviy darvozaboni Iker Kasilyas "Qirollik klubi" hujumchisi Vinisius Juniorning Jud Bellingemga aytgan gaplariga munosabat bildirdi:

«Kechagi mag‘lubiyatning sabablaridan biri aynan shu — jamoada aniq yetakchi yo‘q, har kim o‘zini asosiy figura deb hisoblaydi. Bellingem to‘p so‘raydi, sen esa unga “og‘zingni yop” deysanmi? Men Toni Kroos Krishtianu Ronaldudan ko‘proq uzatma so‘raganini va Ronaldu unga “og‘zingni yop” deganini tasavvur ham qila olmayman.

Bu, ehtimol, uning “Oltin to‘p”ni yuta olmagan sabablaridan biri. Jamoada juda ko‘p “yulduzlar” bor va ular jamoa o‘yiniga xalal bermoqda. Arda Gyuler va Jud Bellingem — kecha haqiqatan ham g‘alaba qozonishni istagan yagona o‘yinchilar edi. Vinisius esa yomon o‘yin ko‘rsatdi — nega u o‘z jahlini nazorat qila olmayotganini tushunmayman.

"Bavariya" ularni asabiylashtirib qo‘ydi va aynan shu sabab ular mag‘lub bo‘lishdi».