«Milan» klubi sobiq futbolchisi Marsel Desayi «Inter» himoyachisi Alessandro Bastonining «Barselona»ga ehtimoliy transferi haqida o‘z fikrlari bilan o‘rtoqlashdi.

«Bastoni «Barselona»ning darajasini oshirishi mumkin, chunki jamoaga mudofaada kuch va barqarorlik kerak. U ko‘p yillar davomida «Inter»da murabbiy kim bo‘lishidan qat’i nazar, juda barqaror va yaxshi darajadagi o‘yin ko‘rsatib kelmoqda. Biroq, men unda jahon darajasidagi yetakchini ko‘rmayapman. Uning hozirgi darajasi — bu uning eng yuqori imkoniyati», — deya Desayining so‘zlarini keltirmoqda Barça Universal.

Joriy mavsumda 27 yoshli Bastoni barcha musobaqalarda 37 ta o‘yin o‘tkazib, 2 ta gol urdi va 6 ta golli uzatmani o‘z hisobiga yozdirib qo‘ydi.