«Милан» клуби собиқ футболчиси Марсель Десайи «Интер» ҳимоячиси Алессандро Бастонининг «Барселона»га эҳтимолий трансфери ҳақида ўз фикрлари билан ўртоқлашди.

«Бастони «Барселона»нинг даражасини ошириши мумкин, чунки жамоага мудофаада куч ва барқарорлик керак. У кўп йиллар давомида «Интер»да мураббий ким бўлишидан қатъи назар, жуда барқарор ва яхши даражадаги ўйин кўрсатиб келмоқда. Бироқ, мен унда жаҳон даражасидаги етакчини кўрмаяпман. Унинг ҳозирги даражаси — бу унинг энг юқори имконияти», — дея Десайининг сўзларини келтирмоқда Barça Universal.

Жорий мавсумда 27 ёшли Бастони барча мусобақаларда 37 та ўйин ўтказиб, 2 та гол урди ва 6 та голли узатмани ўз ҳисобига ёздириб қўйди.