Londonning «Arsenal» va «Barselona» klublari sobiq hujumchisi Aleksandr Gleb «kanonirlar»ning Chempionlar ligasidagi g‘alaba imkoniyatlarini baholadi.
Kuni kecha «Arsenal» ikki o‘yin natijasiga ko‘ra Lissabonning «Sporting» jamoasini mag‘lub etib (1:0, 0:0), turnirning yarim finaliga yo‘l oldi.
«Hozirda musobaqada to‘rtta juda kuchli jamoa qoldi, hatto kim favorit ekanligini aytish ham qiyin. Chempionlar ligasida imkoniyatlar doim 50 ga 50 bo‘ladi. Har bir jamoa o‘z uslubiga ega, kuchli va kuchsiz jihatlari bor. Har qanday natija bo‘lishi mumkin», — deya Glebning so‘zlarini keltiradi «Chempionat» nashri.
Turnir finaliga chiqish uchun «Arsenal» Madridning «Atletiko» klubiga qarshi bahs olib boradi. Parallel ravishda kechadigan ikkinchi yarim final juftligida esa Myunxenning «Bavariya» hamda «PSJ» jamoalari o‘zaro to‘qnash kelishadi.
