«Chelsi» bosh murabbiyi Liam Rosenyor jamoaning Angliya Premyer-ligasi joriy mavsumidagi qolgan o‘yinlari haqida fikr bildirdi. «Ko‘klar» 32 turdan so‘ng turnir jadvalida oltinchi o‘rinni egallab turibdi. Londonliklar Chempionlar ligasiga yo‘llanma beruvchi so‘nggi — beshinchi pog‘onadagi «Liverpul»dan to‘rt ochkoga ortda qolmoqda.

«Biz buni uddalay olamiz [APLdagi qolgan barcha o‘yinlarda g‘alaba qozonish]. Bizda har bir o‘yinda g‘alaba qozonish uchun potensial yetarli, biroq buning uchun barcha jabhalarda o‘z maksimumimizni ko‘rsatishimiz kerak», — deya jurnalist Kiran Jill Rosenyorning so‘zlarini keltiradi.