«Челси» бош мураббийи Лиам Росеньор жамоанинг Англия Премьер-лигаси жорий мавсумидаги қолган ўйинлари ҳақида фикр билдирди. «Кўклар» 32 турдан сўнг турнир жадвалида олтинчи ўринни эгаллаб турибди. Лондонликлар Чемпионлар лигасига йўлланма берувчи сўнгги — бешинчи поғонадаги «Ливерпуль»дан тўрт очкога ортда қолмоқда.
«Биз буни уддалай оламиз [АПЛдаги қолган барча ўйинларда ғалаба қозониш]. Бизда ҳар бир ўйинда ғалаба қозониш учун потенциал етарли, бироқ бунинг учун барча жабҳаларда ўз максимумимизни кўрсатишимиз керак», — дея журналист Киран Жилл Росеньорнинг сўзларини келтиради.
