«Manchester Siti» bosh murabbiyi Xosep Gvardiola Premyer-liga doirasida «Arsenal» ustidan qozonilgan g‘alabadan (2:1) so‘ng hujumchi Erling Xoland haqida fikr bildirdi. Aynan norvegiyalik futbolchi 65-daqiqada gol urib, butun mavsumning eng muhim o‘yinida «shaharliklar»ga g‘alaba keltiruvchi gol muallifiga aylandi.

«Men Xolandning o‘rnida bo‘lishni va Gabriel hamda Salibaga qarshi kurashishni istamagan bo‘lardim. Aslo. Bundan ko‘ra kitob o‘qishni afzal ko‘rardim. Bu yigitlar bilan kurashish... Lekin u buni uddaladi», — dedi Gvardiola o‘yindan so‘ng jurnalistlar bilan suhbatda.