«Manchester Siti» bosh murabbiyi Xosep Gvardiola jamoa yarim himoyachisi Rodri Ernandesning jarohati haqida o‘z fikrlari bilan o‘rtoqlashdi.

«Chamasi, Rodri chov sohasidan jarohat olgan ko‘rinadi. Muammo naqadar jiddiy ekanligini aniqlash uchun bugun kechqurun yoki ertaga ertalab tibbiy ko‘rik o‘tkaziladi. Uning qancha muddatga safdan chiqqanini hozircha bilmayman», — dedi Gvardiola jurnalistlarga.

Rodri Angliya chempionatining 33-turidan o‘rin olgan «Arsenal»ga qarshi uchrashuvni oxirigacha yetkaza olmadi va 88-daqiqada zaxiraga olindi. Bahs «shaharliklar»ning 2:1 hisobidagi g‘alabasi bilan yakunlandi.

Joriy mavsumda 29 yoshli Rodri barcha turnirlarni hisobga olgan holda 31 ta o‘yinda maydonga tushib, o‘z hisobiga ikkita gol yozdirib qo‘ygan.