«Манчестер Сити» бош мураббийи Хосеп Гвардиола жамоа ярим ҳимоячиси Родри Эрнандеснинг жароҳати ҳақида ўз фикрлари билан ўртоқлашди.
«Чамаси, Родри чов соҳасидан жароҳат олган кўринади. Муаммо нақадар жиддий эканлигини аниқлаш учун бугун кечқурун ёки эртага эрталаб тиббий кўрик ўтказилади. Унинг қанча муддатга сафдан чиққанини ҳозирча билмайман», — деди Гвардиола журналистларга.
Родри Англия чемпионатининг 33-туридан ўрин олган «Арсенал»га қарши учрашувни охиригача етказа олмади ва 88-дақиқада захирага олинди. Баҳс «шаҳарликлар»нинг 2:1 ҳисобидаги ғалабаси билан якунланди.
Жорий мавсумда 29 ёшли Родри барча турнирларни ҳисобга олган ҳолда 31 та ўйинда майдонга тушиб, ўз ҳисобига иккита гол ёздириб қўйган.
