Fransiyaning «PSJ» klubi bosh murabbiyi Luis Enrike jamoaning bo‘lajak yozgi transfer oynasi vaqtidagi rejalari haqida to‘xtalib o‘tdi.

Ispaniyalik mutaxassisning so‘zlariga ko‘ra, Parij klubi tarkibda inqilobiy o‘zgarishlarni amalga oshirish niyatida emas. The Touchline nashri murabbiyning quyidagi fikrlarini keltirmoqda:

«Tarkibda xuddi o‘tgan yilgidek kichik o‘zgarishlar bo‘ladi. Biz juda ko‘p miqdorda yangi futbolchilarni sotib olishni rejalashtirmayapmiz», — dedi Enrike.

Ma’lumot uchun, Fransiya chempionatining joriy mavsumida 28 ta o‘yindan so‘ng «PSJ» 63 ochko bilan turnir jadvalida peshqadamlik qilmoqda. Biroq chempionlik poygasi ancha keskin kechmoqda — ikkinchi o‘rinda borayotgan «Lans» parijliklardan bor-yo‘g‘i bir ochkoga ortda qolmoqda.