Франциянинг «ПСЖ» клуби бош мураббийи Луис Энрике жамоанинг бўлажак ёзги трансфер ойнаси вақтидаги режалари ҳақида тўхталиб ўтди.
Испаниялик мутахассиснинг сўзларига кўра, Париж клуби таркибда инқилобий ўзгаришларни амалга ошириш ниятида эмас. The Touchline нашри мураббийнинг қуйидаги фикрларини келтирмоқда:
«Таркибда худди ўтган йилгидек кичик ўзгаришлар бўлади. Биз жуда кўп миқдорда янги футболчиларни сотиб олишни режалаштирмаяпмиз», — деди Энрике.
Маълумот учун, Франция чемпионатининг жорий мавсумида 28 та ўйиндан сўнг «ПСЖ» 63 очко билан турнир жадвалида пешқадамлик қилмоқда. Бироқ чемпионлик пойгаси анча кескин кечмоқда — иккинчи ўринда бораётган «Ланс» парижликлардан бор-йўғи бир очкога ортда қолмоқда.
