Angliyalik sobiq futbolchi Gari Nevill «Manchester Siti»ning «Byornli» ustidan qozonilgan g‘alabasidan (1:0) so‘ng Premyer-liga chempionlik poygasi haqidagi fikrlari bilan o‘rtoqlashdi.
«Shaharliklar» «Terf Mur»dagi g‘alaba evaziga ochkolar sonini tenglashtirib, qo‘shimcha ko‘rsatkichlar bo‘yicha «kanonirlar»ni ortda qoldirgan holda turnir jadvalida birinchi o‘ringa ko‘tarilib olishdi.
«Hali hammasi oldinda. Shanba kuni «Arsenal» o‘z maydonida «Nyukasl»ni qabul qiladi va u yerda uch ochko ishlab, yana peshqadamlikni qaytarib olishi mumkin. Bugun «Siti»ning o‘yinida kamchiliklar ko‘p bo‘ldi — agar ular o‘yinni yaxshilashmasa, hali ochko yo‘qotishadi. Ammo Pep bugun qanday bo‘lsa ham g‘alaba kerakligini bilardi va u maqsadiga erishdi», — dedi Nevill Sky Sports efirida.
