Англиялик собиқ футболчи Гари Невилл «Манчестер Сити»нинг «Бёрнли» устидан қозонилган ғалабасидан (1:0) сўнг Премьер-лига чемпионлик пойгаси ҳақидаги фикрлари билан ўртоқлашди.
«Шаҳарликлар» «Терф Мур»даги ғалаба эвазига очколар сонини тенглаштириб, қўшимча кўрсаткичлар бўйича «канонирлар»ни ортда қолдирган ҳолда турнир жадвалида биринчи ўринга кўтарилиб олишди.
«Ҳали ҳаммаси олдинда. Шанба куни «Арсенал» ўз майдонида «Ньюкасл»ни қабул қилади ва у ерда уч очко ишлаб, яна пешқадамликни қайтариб олиши мумкин. Бугун «Сити»нинг ўйинида камчиликлар кўп бўлди — агар улар ўйинни яхшилашмаса, ҳали очко йўқотишади. Аммо Пеп бугун қандай бўлса ҳам ғалаба кераклигини биларди ва у мақсадига эришди», — деди Невилл Sky Sports эфирида.
