«PSJ» bosh murabbiyi Luis Enrike joriy mavsum davomida rossiyalik darvozabon Matvey Safonovga raqobatni boy bergan Lyuka Shevalyening asosiy tarkibga qaytishi haqidagi savolga javob berdi.

«Sizlar mavsumning butun birinchi yarmi davomida uni tanqid qildingiz. Men uni himoya qilgan bir paytda, sizlar buni tinmay amalga oshirdingiz va endi yana menga shu savolni beryapsizmi? Bu aql bovar qilmas holat. Mana sizga yuqori darajadagi futbol. Buning savolga aloqasi yo‘q, lekin hammasi o‘z-o‘zidan ko‘rinib turibdi», — deya Enrikening so‘zlarini keltiradi L'Équipe.

Joriy mavsumda Shevalye barcha turnirlarda 26 ta o‘yinda ishtirok etib, ularning 10 tasida o‘z darvozasi daxlsizligini saqlab qoldi. Futbolchining klub bilan amaldagi mehnat shartnomasi 2030 yilning yozigacha mo‘ljallangan. Transfermarkt portalida berilgan ma’lumotlarga ko‘ra, o‘yinchining bozor qiymati 30 million yevroni tashkil etadi.