«ПСЖ» бош мураббийи Луис Энрике жорий мавсум давомида россиялик дарвозабон Матвей Сафоновга рақобатни бой берган Люка Шевальенинг асосий таркибга қайтиши ҳақидаги саволга жавоб берди.

«Сизлар мавсумнинг бутун биринчи ярми давомида уни танқид қилдингиз. Мен уни ҳимоя қилган бир пайтда, сизлар буни тинмай амалга оширдингиз ва энди яна менга шу саволни беряпсизми? Бу ақл бовар қилмас ҳолат. Мана сизга юқори даражадаги футбол. Бунинг саволга алоқаси йўқ, лекин ҳаммаси ўз-ўзидан кўриниб турибди», — дея Энрикенинг сўзларини келтиради L'Équipe.

Жорий мавсумда Шевалье барча турнирларда 26 та ўйинда иштирок этиб, уларнинг 10 тасида ўз дарвозаси дахлсизлигини сақлаб қолди. Футболчининг клуб билан амалдаги меҳнат шартномаси 2030 йилнинг ёзигача мўлжалланган. Transfermarkt порталида берилган маълумотларга кўра, ўйинчининг бозор қиймати 30 миллион еврони ташкил этади.