Italiyalik sobiq hujumchi Alessandro Matri Italiya terma jamoasining yangi bosh murabbiyi sifatida kimni ko‘rishni istashini ma’lum qildi. Aprel oyi boshida jamoani jahon chempionatiga olib chiqa olmagan Djennaro Gattuzo «skuadra adzurra» boshqaruvidagi lavozimini tark etgan edi. Eslatib o‘tamiz, mundial yo‘llanmasi uchun kechgan pley-off finalida italiyaliklar penaltilar seriyasida Bosniya va Gersegovinaga imkoniyatni boy berishgandi.
«Konte va Allegri — terma jamoa murabbiyligi uchun ideal nomzodlar. Ikkalasi ham muammolarni aniqlash va ularni hal qilishni biladi — ayni damda Italiyaga aynan shu narsa kerak», — deya jurnalist Nikolo Skira Matrining so‘zlarini keltirmoqda.
Ayni paytda Antonio Konte «Napoli»da faoliyat yuritmoqda, Massimiliano Allegri esa «Milan» bilan shartnomaga ega.
