Италиялик собиқ ҳужумчи Алессандро Матри Италия терма жамоасининг янги бош мураббийи сифатида кимни кўришни исташини маълум қилди. Апрель ойи бошида жамоани жаҳон чемпионатига олиб чиқа олмаган Дженнаро Гаттузо «скуадра адзурра» бошқарувидаги лавозимини тарк этган эди. Эслатиб ўтамиз, мундиал йўлланмаси учун кечган плей-офф финалида италияликлар пенальтилар сериясида Босния ва Герцеговинага имкониятни бой беришганди.
«Конте ва Аллегри — терма жамоа мураббийлиги учун идеал номзодлар. Иккаласи ҳам муаммоларни аниқлаш ва уларни ҳал қилишни билади — айни дамда Италияга айнан шу нарса керак», — дея журналист Николо Скира Матрининг сўзларини келтирмоқда.
Айни пайтда Антонио Конте «Наполи»да фаолият юритмоқда, Массимилиано Аллегри эса «Милан» билан шартномага эга.
