«Arsenal» klubi sobiq yarim himoyachisi Pol Merson Liem Rosenyor iste’fosidan so‘ng «Chelsi» boshqaruvi uchun kimlar munosib ekani haqida gapirdi. Eslatib o‘tamiz, londaliklar rahbariyati o‘tgan haftada yanvardan buyon ishlab kelayotgan Rosenyorni lavozimidan ozod etgan edi.
«Men «Nyukasl» bosh murabbiyi Eddi Xauni tanlagan bo‘lardim. Bilaman, u ayni damda bosim ostida, ammo «Chelsi»ga aynan shunday mutaxassis kerak.
Menimcha, klub top-murabbiylarni emas, balki «Chelsi»da ishlash imkoniyati uchun klubdan minnatdor bo‘ladigan murabbiylarni tayinlashi lozim. Masalan, «Bornmut»dagi Andoni Iraola — juda yaxshi murabbiy, uning statistikasi ham ajoyib. «Chelsi» har bir o‘yinda yugurish borasida raqiblariga imkoniyatni boy bermoqda. Jamoa yosh, ammo ularga tajriba va yangi qon kerak. Top-murabbiy bu yerga kelib, faqat yangi transferlarni talab qilishi mumkin», — dedi Merson.
