«Manchester Siti» hujumchisi Erling Xoland raqib jamoalarni ogohlantirdi. Norvegiyalik futbolchining so‘zlariga ko‘ra, keyingi mavsumda jamoa yanada kuchliroq bo‘ladi.
«Oxirgi ikki yil ichida, ayniqsa o‘tgan yili ko‘plab o‘zgarishlar yuz berdi. Klubga ko‘plab yangi o‘yinchilar keldi. Yangi liga va yangi mamlakatga kelganlarga moslashish uchun vaqt kerak. Bu oson emas, vaqt talab etadi. Menimcha, bizni qiziqarli davrlar kutmoqda va men buning bir qismi bo‘lishni intiqlik bilan kutyapman», — dedi Xoland ESPN nashriga bergan intervyusida.
«Manchester Siti» ayni damda Angliya chempionati turnir jadvalida ikkinchi o‘rinda bormoqda. Xosep Gvardiola jamoasi «Arsenal»dan uch ochko ortda qolmoqda, biroq zaxirada bitta o‘yini mavjud.
