«Манчестер Сити» ҳужумчиси Эрлинг Холанд рақиб жамоаларни огоҳлантирди. Норвегиялик футболчининг сўзларига кўра, кейинги мавсумда жамоа янада кучлироқ бўлади.
«Охирги икки йил ичида, айниқса ўтган йили кўплаб ўзгаришлар юз берди. Клубга кўплаб янги ўйинчилар келди. Янги лига ва янги мамлакатга келганларга мослашиш учун вақт керак. Бу осон эмас, вақт талаб этади. Менимча, бизни қизиқарли даврлар кутмоқда ва мен бунинг бир қисми бўлишни интиқлик билан кутяпман», — деди Холанд ESPN нашрига берган интервьюсида.
«Манчестер Сити» айни дамда Англия чемпионати турнир жадвалида иккинчи ўринда бормоқда. Хосеп Гвардиола жамоаси «Арсенал»дан уч очко ортда қолмоқда, бироқ захирада битта ўйини мавжуд.
