Madridning «Atletiko» klubi jamoaning yetakchi hujumchisi — argentinalik Xulian Alvares bilan xayrlashishni istamayapti. Bu haqda Sky Sports jurnalistlari xabar bermoqda.
Manba bergan ma’lumotlarga ko‘ra, Ispaniya klubi rahbariyati hujumchini 150 million yevro miqdoridagi pul tovoni evaziga ham qo‘yib yubormaydi. Avvalroq matbuotda Alvaresga «Barselona» va «Arsenal» tomonidan qiziqish bo‘layotgani haqida xabarlar tarqalgan edi.
Argentinalik futbolchi «matraschilar» safida 2024 yilning yozidan buyon to‘p surib kelmoqda. Tomonlar o‘rtasidagi mehnat shartnomasi 2029/2030 yilgi mavsum yakunida nihoyasiga yetadi. Joriy mavsumda Alvares 47 ta uchrashuvda maydonga tushib, 19 ta gol va 9 ta golli uzatmani o‘z hisobiga yozdirib qo‘ydi.
