Мадриднинг «Атлетико» клуби жамоанинг етакчи ҳужумчиси — аргентиналик Хулиан Альварес билан хайрлашишни истамаяпти. Бу ҳақда Sky Sports журналистлари хабар бермоқда.
Манба берган маълумотларга кўра, Испания клуби раҳбарияти ҳужумчини 150 миллион евро миқдоридаги пул товони эвазига ҳам қўйиб юбормайди. Аввалроқ матбуотда Альваресга «Барселона» ва «Арсенал» томонидан қизиқиш бўлаётгани ҳақида хабарлар тарқалган эди.
Аргентиналик футболчи «матрасчилар» сафида 2024 йилнинг ёзидан буён тўп суриб келмоқда. Томонлар ўртасидаги меҳнат шартномаси 2029/2030 йилги мавсум якунида ниҳоясига етади. Жорий мавсумда Альварес 47 та учрашувда майдонга тушиб, 19 та гол ва 9 та голли узатмани ўз ҳисобига ёздириб қўйди.
