«Manchester Yunayted» klubida aprel oyining eng yaxshi futbolchisi aniqlandi. Ushbu e’tirofga jamoadagi so‘nggi mavsumini o‘tkazayotgan yarim himoyachi Kazemiro sazovor bo‘ldi.
Braziliyalik futbolchi yakunlangan oyda «qizil iblislar»ning uchta o‘yinida ishtirok etib, o‘z hisobiga ikkita gol ( «Lids» va «Brentford» darvozalariga) yozdirib qo‘ydi. O‘tgan oyda bu sovrin jamoa sardori Brunu Fernandeshga nasib etgan edi.
Eslatib o‘tamiz, Kazemiro mavsum yakunlangach, «Manchester Yunayted»ni erkin agent sifatida tark etadi. 34 yoshli futbolchi o‘zining ketishi haqida hali yanvar oyidayoq e’lon qilgan edi. Maykl Kerrik shogirdlarining may oyidagi ilk uchrashuvi yakshanba kuni bo‘lib o‘tadi — raqib «Liverpul» jamoasi.
