Ispaniya La Ligasining 34-turidan o‘rin olgan «Alaves» — «Atletik Bilbao» uchrashuvi yakuniga yetdi. Jamoalar Vitoriya shahridagi «Mendisorrosa» stadionida maydonga tushdi. Uchrashuv 4:2 hisobida mehmonlar foydasiga hal bo‘ldi.

Uchrashuvning 8-daqiqasida «Alaves» yarim himoyachisi Antonio Blanko hisobni ochdi. 45-daqiqada VAR yordami bilan maydon egalari xavbeki Alexandro Regoning goli bekor qilindi. 46-daqiqada «Atletik» hujumchisi Robert Navarro hisobni tenglashtirdi. 68-daqiqada Nauel Tenalya mezbonlarni yana oldinga olib chiqdi. Oradan olti daqiqa o‘tib, Oyan Sanset hisobni yana tenglashtirdi. 83-daqiqada Niko Uilyams mehmonlarni oldinga olib chiqdi va 87-daqiqada dubl rasmiylashtirdi.

«Alaves» ayni paytda 34 ta o‘yinda 36 ochko to‘plab, turnir jadvalida 17-o‘rinni egallab turibdi. «Atletik Bilbao» esa 44 ochko bilan 8-pog‘onada joylashgan.

Keyingi turda «Alaves» 9 may kuni safarda «Elche»ga qarshi o‘ynaydi. «Atletik Bilbao» esa 10 may kuni o‘z maydonida «Valensiya»ni qabul qiladi.

Ispaniya — La Liga, 34-tur
2 may 2026 yil, shanba. 21:30
«Alaves» (Vitoriya) — «Atletik Bilbao» (Bilbao) — 2:4
Gollar: Blanko 8 (1:0), Navarro 46 (1:1), Tenalya 68 (2:1), Sanset 74 (2:2), Uilyams 83 (2:3), Uilyams 87 (2:4).