Londonning «Arsenal» klubi ustozi Mikel Arteta Angliya chempionatining 35-turi doirasida «Fulxem»ga qarshi kechgan uy uchrashuvidan so‘ng o‘z fikrlarini bildirdi. «Kanonirlar» 3:0 hisobida yirik g‘alabani qo‘lga kiritishdi.
«Ushbu g‘alaba chempionlik haqidagi orzumiz hali ham tirik ekanligini ko‘rsatmoqda. Biz bu impulsdan foydalanishimiz va olingan energiyani seshanba kungi o‘yinga ko‘chirishimiz kerak. Kiyinish xonasidagi muhitni kuzatar ekanman, biz to‘g‘ri yo‘nalishda ketayotganimizni ko‘ryapman», — deya ispaniyalik mutaxassisning so‘zlarini keltirmoqda The Independent.
Ayni damda «Arsenal» ikkinchi o‘rinda borayotgan «Manchester Siti»dan 6 ochkoga oldinda, biroq Xosep Gvardiola jamoasida zaxirada ikkita o‘yin mavjud. 5 may kuni londonliklar UEFA Chempionlar ligasi yarim finali doirasida «Atletiko»ga qarshi javob uchrashuvini o‘tkazishadi.
