«Barselona» hujumchisi Robert Levandovski mavsum yakunlanganidan keyin klubni tark etadigan ko‘rinadi. Tomonlar kelayotgan yozda muddati tugaydigan shartnomani uzaytirish shartlari bo‘yicha kelisha olishmayapti.
Insayder Nikolo Skiraning ma’lumotlariga ko‘ra, «ko‘k-anorranglilar»ning 37 yoshli forvard bilan hamkorlikni davom ettirish imkoniyatlari tez sur’atlar bilan kamayib bormoqda. Voqealar rivoji polyak futbolchisining erkin agentga aylanishiga qarab ketmoqda.
Robert Levandovski 2022 yilda «Bavariya»dan «Barselona»ga o‘tgan edi. So‘nggi oylarda futbolchiga «Yuventus», «Milan» va «Chikago Fayr» klublari tomonidan jiddiy qiziqish bo‘layotgani haqida xabarlar tarqaldi. Mish-mishlarga ko‘ra, kataloniyaliklar yulduzli faxriyga maoshi sezilarli darajada kamaytirilgan yangi bir yillik kelishuv taklif qilmoqdalar.
