«Vulverxempton» yarim himoyachisi Joao Gomes faoliyatini Rossiyada davom ettirish variantini rad etdi. Insayder Ekrem Konurning xabar berishicha, Sankt-Peterburgning «Zenit» klubi futbolchiga Madridning «Atletiko» jamoasiga qaraganda ancha manfaatliroq moliyaviy shartlar taklif qilgan, biroq 25 yoshli braziliyalik o‘z qarorini o‘zgartirmagan.
Avvalroq, «matraschilar» ushbu transferni yakunlashga juda yaqin kelgani xabar qilingan edi. Ispaniya grandi Gomes uchun 45 million yevro to‘lashi kutilmoqda. Futbolchining madridliklar bilan shartnomasi besh yilga mo‘ljallangan bo‘ladi.
Ma’lumot uchun, Joao Gomes to‘p surgan «Vulverxempton» joriy mavsum yakunlariga ko‘ra APLni tark etdi. Kelasi mavsumni «bo‘rilar» Chempionshipda boshlashadi, bu esa yetakchi futbolchilarning jamoadan ketishini tezlashtirmoqda.
