«Вулверхэмптон» ярим ҳимоячиси Жоао Гомес фаолиятини Россияда давом эттириш вариантини рад этди. Инсайдер Экрем Конурнинг хабар беришича, Санкт-Петербургнинг «Зенит» клуби футболчига Мадриднинг «Атлетико» жамоасига қараганда анча манфаатлироқ молиявий шартлар таклиф қилган, бироқ 25 ёшли бразилиялик ўз қарорини ўзгартирмаган.
Аввалроқ, «матрасчилар» ушбу трансферни якунлашга жуда яқин келгани хабар қилинган эди. Испания гранди Гомес учун 45 миллион евро тўлаши кутилмоқда. Футболчининг мадридликлар билан шартномаси беш йилга мўлжалланган бўлади.
Маълумот учун, Жоао Гомес тўп сурган «Вулверхэмптон» жорий мавсум якунларига кўра АПЛни тарк этди. Келаси мавсумни «бўрилар» Чемпионшипда бошлашади, бу эса етакчи футболчиларнинг жамоадан кетишини тезлаштирмоқда.
