«Vest Xem» yarim himoyachisi Mateush Fernandesh klubni tark etishga yaqin turibdi. «Bolg‘achilar» Premyer-liganing so‘nggi turi oldidan quyi ligaga tushib ketish yoqasida turishibdi va transfer bozorida xaridori ko‘p bo‘lgan portugaliyalik futbolchini jamoada ushlab qolish ular uchun juda qiyin bo‘ladi. Jurnalist Djeykob Steynbergning xabar berishicha, xavbek uchun kurashda «Manchester Yunayted» favorit bo‘lib turibdi. Agar futbolchi Angliyada qolishga qaror qilsa, katta ehtimol bilan «qizil iblislar» safiga qo‘shilishni afzal ko‘radi.

«Transfermarkt» portali Mateush Fernandeshning transfer bahosini 35 million yevroga baholamoqda. Joriy mavsumda futbolchi London jamoasi safida barcha turnirlarda 41 ta o‘yinda maydonga tushib, o‘z hisobiga 5 ta gol va 4 ta golli uzatmani yozdirib qo‘ydi.