«Atalanta» yarim himoyachisi Ederson Lourenso «Manchester Yunayted»ga o‘tishga juda yaqin turibdi. Nikolo Skiraning ma’lumotlariga ko‘ra, iyul oyida 27 yoshga to‘ladigan braziliyalik futbolchining transferi bo‘yicha muzokaralar yakuniy bosqichda. Gap 45 million yevro va yana 5 mln yevro bonus haqida ketmoqda.
Ederson aprel oyi boshidayoq «MYU» bilan 2031 yil yozigacha mo‘ljallangan, yillik maoshi 5 mln yevro bo‘lgan shartnomani kelishib qo‘ygan edi. Sasha Tavolyerining ta’kidlashicha, «Yunayted» va «Atalanta» allaqachon 50 millionlik kelishuvni yopishgan.
Ederson A Seriyaning ushbu mavsumida 30 ta o‘yinda maydonga tushib, 2 ta gol urdi, 1 ta golli uzatmani amalga oshirdi va 3 ta sariq kartochka oldi.
