«Аталанта» ярим ҳимоячиси Эдерсон Лоуренсо «Манчестер Юнайтед»га ўтишга жуда яқин турибди. Николо Скиранинг маълумотларига кўра, июль ойида 27 ёшга тўладиган бразилиялик футболчининг трансфери бўйича музокаралар якуний босқичда. Гап 45 миллион евро ва яна 5 млн евро бонус ҳақида кетмоқда.
Эдерсон апрель ойи бошидаёқ «МЮ» билан 2031 йил ёзигача мўлжалланган, йиллик маоши 5 млн евро бўлган шартномани келишиб қўйган эди. Саша Тавольерининг таъкидлашича, «Юнайтед» ва «Аталанта» аллақачон 50 миллионлик келишувни ёпишган.
Эдерсон А Сериянинг ушбу мавсумида 30 та ўйинда майдонга тушиб, 2 та гол урди, 1 та голли узатмани амалга оширди ва 3 та сариқ карточка олди.
