«Bavariya» hujumchisi Harri Keyn Yevropa chempionatlarining eng yaxshi to‘purari sifatida «Oltin butsa» sovrinini qo‘lga kiritadi. Angliyalik futbolchi yakunlangan Bundesliga mavsumida 36 ta gol urdi.
Yevropa «Oltin butsa»sining umumiy hisobida myunxenliklar forvardi yaqin ta’qibchisi — Angliya Premyer-ligasida 27 ta gol urgan «Manchester Siti» hujumchisi Erling Xolanddan ancha oldinda. Uchinchi o‘rinni esa Madridning «Real» klubidan Kilian Mbappe band etdi — uning hisobida La Ligada urilgan 25 ta gol bor.
Eslatib o‘tamiz, beshta yetakchi ligada urilgan gollar uchun ochkolar ikki barobarga ko‘paytiriladi. Shu tariqa, Keyn 72 ochko bilan marraga yetdi, Xolandda 54, Mbappeda esa 50 ochko mavjud. Umumiy hisobda Keyn o‘tgan mavsumda «Bavariya» safida barcha turnirlarda o‘tkazilgan 51 ta o‘yinda 61 ta gol urishga muvaffaq bo‘ldi.
