«Бавария» ҳужумчиси Ҳарри Кейн Европа чемпионатларининг энг яхши тўпурари сифатида «Олтин бутса» совринини қўлга киритади. Англиялик футболчи якунланган Бундеслига мавсумида 36 та гол урди.
Европа «Олтин бутса»сининг умумий ҳисобида мюнхенликлар форварди яқин таъқибчиси — Англия Премьер-лигасида 27 та гол урган «Манчестер Сити» ҳужумчиси Эрлинг Холанддан анча олдинда. Учинчи ўринни эса Мадриднинг «Реал» клубидан Килиан Мбаппе банд этди — унинг ҳисобида Ла Лигада урилган 25 та гол бор.
Эслатиб ўтамиз, бешта етакчи лигада урилган голлар учун очколар икки баробарга кўпайтирилади. Шу тариқа, Кейн 72 очко билан маррага етди, Холандда 54, Мбаппеда эса 50 очко мавжуд. Умумий ҳисобда Кейн ўтган мавсумда «Бавария» сафида барча турнирларда ўтказилган 51 та ўйинда 61 та гол уришга муваффақ бўлди.
