Испания Ла Лигасида 2026-йил ҳолатига кўра энг катта маош олаётган футболчилар рейтинги эълон қилинди.

Kalshi тақдим этган маълумотларга кўра, рўйхатнинг биринчи поғонасини «Реал» юлдузлари Килиан Мбаппе ва Винисиус Жуниор бўлишиб турибди. Ҳар икки футболчининг ҳафталик маоши 513 273 еврони ташкил этади.

Улардан кейинги уч ўринда ҳам бир хил кўрсаткич қайд этилган. «Реал» ярим ҳимоячиси Жуд Беллингем, «Барселона» вингери Ламин Ямал ва «Атлетико» дарвозабони Ян Облак ҳафтасига 342 127 евродан маош олади.

Кучли ўнлик қуйидагича:

1. Килиан Мбаппе — €513 273
2. Винисиус Жуниор — €513 273
3. Жуд Беллингем — €342 127
4. Ламин Ямал — €342 127
5. Ян Облак — €342 127
6. Родри — €329 300
7. Нико Уильямс — €282 341
8. Федерико Вальверде — €273 800
9. Рафиня — €273 800
10. Родриго — €273 800

Рейтингда «Реал» футболчилари сони жиҳатидан устунлик қилмоқда. Кучли ўнликдан Мбаппе, Винисиус, Беллингем, Вальверде ва Родриго — жами беш нафар мадридлик футболчи жой олган.

«Барселона»дан Ламин Ямал ва Рафиня рўйхатга киритилган. Шунингдек, «Атлетико» посбони Ян Облак ва «Атлетик» вингери Нико Уильямс ҳам кучли ўнликдан ўрин олган.

Эътиборлиси, рейтингда Мбаппе ва Винисиуснинг кўрсаткичи қолган футболчиларникидан сезиларли даражада юқори. Уларнинг ҳафталик 513 минг евродан ортиқ маоши йиллик ҳисобда қарийб 26,7 млн еврога тўғри келади.

Маълумотлар футболчиларнинг ҳафталик маошига оид бўлиб, бонуслар ва бошқа тижорий даромадларни ўз ичига олмаслиги мумкин.