"Барселона" жорий ёзги трансферлар ойнасида янги марказий ҳимоячи харид қилиш имкониятини истисно қилмаяпти. Бу ҳақда SPORT нашри хабар берди.

Айни пайтда Каталония клубининг асосий эътибори марказий ҳужумчи билан шартнома имзолашга қаратилган. Ҳимоя чизиғини кучайтириш масаласи эса форвард трансфери учун қанча маблағ сарфланишига боғлиқ бўлади.

Агар "Барселона" янги ҳужумчи учун катта маблағ сарфласа, клуб ёш ва истиқболли марказий ҳимоячини нисбатан арзон нархда харид қилиш ёки тажрибали футболчини ижарага олиш вариантини кўриб чиқади.

Аксинча, ҳужумчи трансфери катта харажат талаб қилмаса, "Барселона" юқори савияли марказий ҳимоячини тўлиқ трансфер қилиш учун жиддий маблағ ажратиши мумкин.