"Barselona" joriy yozgi transferlar oynasida yangi markaziy himoyachi xarid qilish imkoniyatini istisno qilmayapti. Bu haqda SPORT nashri xabar berdi.
Ayni paytda Kataloniya klubining asosiy e’tibori markaziy hujumchi bilan shartnoma imzolashga qaratilgan. Himoya chizig‘ini kuchaytirish masalasi esa forvard transferi uchun qancha mablag‘ sarflanishiga bog‘liq bo‘ladi.
Agar "Barselona" yangi hujumchi uchun katta mablag‘ sarflasa, klub yosh va istiqbolli markaziy himoyachini nisbatan arzon narxda xarid qilish yoki tajribali futbolchini ijaraga olish variantini ko‘rib chiqadi.
Aksincha, hujumchi transferi katta xarajat talab qilmasa, "Barselona" yuqori saviyali markaziy himoyachini to‘liq transfer qilish uchun jiddiy mablag‘ ajratishi mumkin.
