Ispaniya terma jamoasi bosh murabbiyi Luis de la Fuente jamoasining Jahon chempionatidagi imkoniyatlari va favoritlik maqomi haqidagi savolga javob berdi.
«Biz Jahon chempionati favoritimizmi? Biz turnirda g‘olib chiqishga qodirligimizni his qilyapmiz, ammo bu hech narsaga kafolat bermaydi», — deya de la Fuentening so‘zlarini keltiradi The Touchline.
JCH-2026 guruh bosqichida Ispaniya terma jamoasi Kabo-Verde, Saudiya Arabistoni va Urugvay terma jamoalariga qarshi bahs olib boradi. Eslatib o‘tamiz, Ispaniya 2010 yilda Jahon chempioni bo‘lgan. Shundan so‘ng jamoa mundiallarda unchalik muvaffaqiyatli qatnashmadi: 2014 yilda guruh bosqichida qolib ketgan bo‘lsa, 2018 va 2022 yillarda 1/8 final bilan cheklangan.
Jahon chempionati 2026 yilda AQSH, Kanada va Meksika mezbonligida bo‘lib o‘tadi.













