«Milan» A Seriyaning finish qismida muvaffaqiyatsizlikka uchradi. So‘nggi turda o‘z maydonida «Kalyari»ga imkoniyatni boy bergan (1:2) «rossonerilar» Chempionlar Ligasi yo‘llanmasidan mahrum bo‘lishdi. Italiya matbuotining yozishicha, milanliklar safida katta «inqilob» kutilmoqda va uning doirasida Massimiliano Allegri bosh murabbiylik lavozimini tark etishi kerak.
Insayder Janluka di Marsio o‘zining saytida xabar berishicha, Allegri «Milan»dan ketganidan so‘ng «Napoli»ni boshqarishi mumkin. «Adzurrilar» aynan hozir Antonio Konte bilan ikki yillik hamkorlikdan so‘ng xayrlashishdi.
Eslatib o‘tamiz, «Napoli» Italiya chempionatida ikkinchi o‘rinni egalladi va kelasi mavsumda mamlakat sharafini Chempionlar Ligasida himoya qiladi.
