«Милан» A Сериянинг финиш қисмида муваффақиятсизликка учради. Сўнгги турда ўз майдонида «Кальяри»га имкониятни бой берган (1:2) «россонерилар» Чемпионлар Лигаси йўлланмасидан маҳрум бўлишди. Италия матбуотининг ёзишича, миланликлар сафида катта «инқилоб» кутилмоқда ва унинг доирасида Массимилиано Аллегри бош мураббийлик лавозимини тарк этиши керак.

Инсайдер Жанлука ди Марцио ўзининг сайтида хабар беришича, Аллегри «Милан»дан кетганидан сўнг «Наполи»ни бошқариши мумкин. «Адзуррилар» айнан ҳозир Антонио Конте билан икки йиллик ҳамкорликдан сўнг хайрлашишди.

Эслатиб ўтамиз, «Наполи» Италия чемпионатида иккинчи ўринни эгаллади ва келаси мавсумда мамлакат шарафини Чемпионлар Лигасида ҳимоя қилади.