«Астон Вилла» adidas компанияси билан ҳамкорликда 2026/27 йилги мавсум учун мўлжалланган янги сафар либосини расман тақдим этди.
Янги дизайн клубнинг уй стадиони — «Вилла Парк» атрофидаги машҳур газ чироқларидан илҳомланиб яратилган. Ушбу чироқлар клуб тарихи ва унинг илдизларини ифодаловчи рамзлардан бири ҳисобланади.
Майдон футболчилари учун мўлжалланган либос асосан қора рангда ишланган. Футболкада чироқлардан илҳомланган ўзига хос нақшлар акс этган, енг қисми эса олтин тусдаги adidas чизиқлари билан безатилган.
Шунингдек, футболка кўкрак қисмида «Астон Вилла»нинг анъанавий тўлиқ эмблемаси ўрнига минималистик услубдаги шер ва юлдуз тасвири жойлаштирилган. Бу янги либосга янада содда ва замонавий кўриниш берган.
